Umferð til höfuðborgarinnar er farin að þyngjast, samkvæmt upplýsingum frá lögreglunni í Borgarnesi. Allt hefur þó gengið áfallalaust fyrir sig.
Lögreglan segir umferðina í meira lagi og fólk streymi í bæinn. Þetta gangi allt hægt en örugglega og fólk verði að vera þolinmótt.
Ekkert óhapp hefur komið inn á borð lögreglu í Borgarnesi. Búist er við því að umferð þyngist enn frekar þegar líða tekur á kvöldið.