Lögreglan á höfuðborgarsvæðinu kom í veg fyrir að maður í annarlegu ástandi færi af stað akandi frá bensínstöð við Vesturlandsveg í gærkvöldi.
Samkvæmt upplýsingum frá lögreglu voru höfð afskipti af manninum um hálf níu leytið í gærkvöldi þegar hann var að setjast inn í bifreið við bensínstöðina. Maðurinn ætlaði að fara að aka bifreiðinni en lögreglumenn komu í veg fyrir það.
Maðurinn er kærður fyrir vörslu fíkniefna sem hann hafði meðferðis í bifreiðinni og einnig efni sem fundust heima hjá honum.
Lögreglan stöðvaði bifreið á Vesturlandsvegi við Bauhaus skömmu fyrir kvöldmat. Ökumaðurinn grunaður um akstur bifreiðar undir áhrifum fíkniefna.