Rekstraraðilar við Jökulsárlón hafa komið upp nýjum varúðarskiltum og girt af það svæði sem hjólabátum er jafnan ekið á milli þjónustumiðstöðvar og lónsins sjálfs.

Síðastliðinn fimmtudag varð banaslys við lónið þegar erlend kona á sextugsaldri varð fyrir einum bátanna, en athafnasvæði þeirra var ekki afgirt þegar slysið varð. Var konan á ferðalagi um landið ásamt fjölskyldu sinni.

Að sögn Katrínar Óskar Ásgeirsdóttir, rekstrarstjóra Jökulsárlóns ehf. sem heldur úti bátsferðum á svæðinu, voru öryggisreglur fyrirtækisins skoðaðar eftir slysið og svæðið afgirt strax daginn eftir, til að takmarka hættu sem gæti skapast fyrir gesti lónsins.

Tengdar fréttir

Banaslys við Jökulsárlón

Dómur vegna banaslyss staðfestur

• Krefst þyngri dóms í Jökulsárlónsmáli
• Fyrirtækið ekki þurft að bera ábyrgð
• Segir dóminn of vægan
• Dæmdur sekur fyrir manndráp af gáleysi

» Fleiri tengdar fréttir