Lögreglan á höfuðborgarsvæðinu handtók á þriðja tímanum í nótt mann sem var eftirlýstur af lögreglu. Maðurinn var handtekinn þar sem hann reyndi að komast inn í bifreiðar í austurhluta borgarinnar. Hann er vistaður í fangageymslu og verður yfirheyrður síðar í dag.
Um fjögurleytið var tilkynnt um innbrot í skóla í Hafnarfirði.Ekki er vitað um hvort einhverju var stolið.
Tveir ökumenn voru teknir fyrir ölvunarakstur á höfuðborgarsvæðinu í nótt. Þeir voru látnir lausir að lokinni blóðtöku.