Jóhann Kristjánsson hefur verið ráðinn kosningastjóri Pírata fyrir komandi þingkosningar. Hann var kosningastjóri Borgarahreyfingarinnar fyrir þingkosningarnar 2009.

Jóhann er menntaður sem endurskoðandi og lauk meistaraprófi í viðskiptafræði frá Copenhagen Business School. Auk þess hefur hann vottun sem verkefnastjóri. Hann gegndi stöðu framkvæmdastjóra bæði hjá upplýsingafyrirtækinu WEDO og Iceland Travel hf, að því er segir í fréttatilkynningu.

Hann starfaði sem yfirmaður viðskiptaþróunar hjá Íslandsbanka og Skýrr h/f og þá hefur hann einnig starfað sem verkefnastjóri hjá Danske Bank.

Í tilkynningunni segir að Jóhann hafi mikinn áhuga á að takast á við þetta krefjandi verkefni í samstarfi við kraftmikinn hóp Pírata.

„Framkvæmdaráð býður Jóhann hjartanlega velkominn til starfa og væntir ánægjulegs samstarfs í kosningabaráttunni fram undan,“ segir jafnframt í tilkynningunni.

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• Blogga um frétt