Veiði hefur verið góð og fiskurinn vænn í Laxá í Dölum í sumar.
Haraldur Eiríksson leiðsögumaður segir sumarið hafa verið ævintýri líkast og á meðan vatnsleysi hefur háð flestum ám í Dölum og á Vesturlandi hefur sá vandi ekki gert vart við sig í Laxá.
„Áin er í rosalega góðu standi, hún er kjaftfull af laxi,“ segir Haraldur í umfjöllun um mál þetta í Morgunblaðinu í dag.