Símaleikurinn Pokémon go hefur orðið til þess að auka hreyfingu margra.
Magnús Valur Hermannsson pokémon-meistari segir að hann hafi lesið fjölda færslna á erlendum pokémon-spjallsíðum frá fólki í ofþyngd sem fékk aukahvatningu til að fara út og hreyfa sig með leiknum. Þá hafi leikurinn aukið hans eigin hreyfingu, segir hann í umfjöllun um mál þetta í Morgunblaðinu í dag.
Engar rannsóknir hafa enn verið gerðar á áhrifum leiksins á hreyfingu en að sögn Gígju Gunnarsdóttur, verkefnastjóra hreyfingar hjá landlækni, er mjög jákvætt ef þeir sem eru annars fastir inni í tölvunni fara út og hreyfa sig.