3.000 miðar verða seldir á leik Íslands og Finnlands en miðasalan hefst á midi.is kl. 12. 1.800 miðar hafa þegar verið seldir í formi mótsmiða og fá gestirnir 1.000 miða. Laugardalsvöllur tekur tæplega tíu þúsund manns í sæti.
Aðrir miðar fara til samstarfsaðila KSÍ, UEFA, FIFA, fjölmiðla, sjónvarpsrétthafa og dómara. Boðsmiðar eru 500 talsins, þar með taldir miðar til dómara og skírteinishafa.
Miðasala á fyrsta heimaleik íslenska karlalandsliðsins í knattspyrnu í undankeppni HM 2018 hefst kl. 12 í dag.
Um er að ræða leik Íslands og Finnlands á Laugardalsvelli fimmtudagskvöldið 6. október. Þetta verður annar leikur Íslands í undankeppninni en sá fyrsti er gegn Úkraínu ytra á mánudagskvöld.
Miðasalan fer fram á midi.is.