Forsvarsmenn nýrra Erasmus-plús samstarfsverkefna í leik-, grunn- og framhaldsskólum skrifuðu í gær undir samninga við Landskrifstofu Erasmus-plús á Íslandi.
Styrkupphæðinni, tæplega 57 milljónum króna, var úthlutað til tuttugu verkefna frá 18 skólum víðs vegar um land.
Hæsti styrkurinn, sem nemur tæplega sex milljónum króna, rennur til Menntaskólans í Reykjavík til verkefnis sem varðar nýtingu jarðefna og sjálfbærni í því sambandi. Sigríður Árnadóttir jarðfræðikennari sér um verkefnið hjá MR.