Björgunarsveitin Brák í Borgarnesi var fengin til þess að fjarlægja hrefnu sem strandaði í Borgarvogi í dag en samkvæmt ákvörðun heilbrigðiseftirlits Vesturlands var hræinu fargað. Það var sveitarstjórinn í Borgarbyggð sem fékk björgunarsveitarmenn til verksins.
Björgunarsveitarmenn settu flotbelgi við hrefnuna og drógu hana síðan að Borgarneshöfn þar sem hún var hífð á vörubíl með krana.
Theodór Kr. Þórðarson, yfirlögregluþjónn í Borgarnesi, segir að það hafa verið ákvörðun yfirdýralæknis að aflífa dýrið.
Theodór segir að um algenga tegund af dýri sé að ræða og var dýrið talsvert sært. „Það er líka þekkt að dýr leiti á grynningar til að drepast. Við höfum verið að taka seli en þetta er einnig þekkt með hvali, særð og gömul dýr leita upp á land til að drepast.“
Frétt mbl.is: Hvalurinn aflífaður í Borgarfirði