Sundbíó Reykjavík International Film Festival er orðinn fastur liður hjá mörgum íslenskum fjölskyldum. Í ár er Sundhöllinni umbreytt í snjóþungan skóg þar sem Greppikló býr ásamt Greppibarninu sínu. Búta úr skóginum er að finna á víð og dreif um búningsklefana þar sem skógarhljóðin hljóma og skuggi músarinnar sem gabbaði Greppikló forðum læðist með veggjum.
Sýningin á Greppibarninu er haldin í samstarfi við Sundlaugar Reykjavíkurborgar og Huldufugl. Í dag eru fjórar sýningar klukkan 13, 14, 15 og 16. Í kvöld verða síðan tvær sýningar á Frankenstein í Sundhöllinni klukkan 20 og 22.
Ljósmyndari mbl.is leit við í Sundhöllinni og fangaði stemmninguna.