„Þetta er mikilvægur baráttudagur og brýnt að jafna laun kynjanna,“ segir Haraldur Freyr Gíslason, formaður Félags leikskólakennara. Hann segir mikla samstöðu ríkja innan stéttarinnar á þessum degi um að vekja athygli á kynbundnum launamun.  

Hann ætlar sjálfur á samstöðufundinn á Austurvelli sem hefst í dag kl. 15.15 eftir að hann verður búinn að ná í barnið sitt í leikskóla í Hafnarfirði.

„Það er í raun ekki flókið að leiðrétta þennan launamun heldur er flókið að fá samstöðu um að leysa vandann,“ segir Haraldur um launamun kynjanna.

Hann bendir einnig á mögulega leið til að útrýma kynbundnum launamun; að fjölga karlmönnum í þeim störfum sem eru talin „hefðbundin“ kvennastörf og fjölga konum í þeim störfum sem eru talin „hefðbundin“ karlastörf. „Þetta er hægt fræðilega séð en myndi taka langan tíma,“ segir Haraldur enn fremur.  

Tengdar fréttir

Kvennafrídagur 2016

Franskar konur fylgja íslensku fordæmi

• „Málefnið brennur á okkur“
• „Í tísku að vera femínisti"
• „Á systir mín að fá minni vasapening?“
• BSRB minnir á yfirlýsingu

» Fleiri tengdar fréttir

• 1 blogg um fréttina

Bloggað um fréttina

• Vésteinn Valgarðsson: Þorið að berjast og þorið að sigra