Slökkvilið höfuðborgarsvæðisins var kallað að húsi í Vonarstræti um klukkan 23.20 í kvöld vegna vatnsleka. Þar hafði rör farið í sundur.
Samkvæmt upplýsingum slökkviliðsins var búið að loka fyrir vatnið þegar lagt var af stað í útkallið. Lekinn varð í kjallara og var vatnið um ökkladjúpt þegar slökkviliðið mætti á staðinn.
Að sögn slökkviliðsins fer félagsstarfsemi fram í húsinu.