Veðurstofa Íslands spáir suðvestlægri átt á landinu, 8 til 15 metrum á sekúndu og dálítilli rigningu eða súld en þurrt að kalla norðaustan til. Dregur úr vindi með morgninum.
Suðlæg eða breytileg átt verður, víða 2 til 10 metrar á sekúndu og rigning með köflum í dag, jafnvel slydda til fjalla fyrir norðan.
Vaxandi suðvestanátt verður vestanlands í kvöld. Hiti verður víða á bilinu 6 til 11 stig en kólnar heldur síðdegis, einkum norðan til.
Á morgun verður suðaustlæg átt, 3 til 10 metrar á sekúndu, og smá skúrir sunnan- og vestanlands en annars bjartviðri. Hiti verður á bilinu 1 til 8 stig, hlýjast syðst.