Lokakvöld Sónar-hátíðarinnar í myndum

Sónar-hátíðinni lauk í gærkvöldi i Hörpu en meðal aðalatriða kvöldsins voru næntís-stjörnurnar De La Soul og Fatboy Slim. Íslenska rappið var einnig áberandi en fram komu meðal annars Alvia Islandia, Aron Can, Kött Grá Pjé og Shades of Reykjavik. 

Hátíðin sem var hin glæsilegasta var haldin í Hörpu nú í fjórða sinn á fjórum sviðum í húsinu og einnig var búið að setja upp næturklúbb í bílakjallaranum.  Fjöldi erlendra sem og íslenskra gesta sótti hátíðina sem stóð yfir í þrjá daga. 

Dagsetningar fyrir Sónar 2018 hafa verið tilkynntar en hátíðin verður haldin 16. og 17. mars á næsta ári.