Vekja athygli á því sem vel er gert

Fimmtán bækur eru tilnefndar í þremur flokkum. Verðlaunin verða afhent …
Fimmtán bækur eru tilnefndar í þremur flokkum. Verðlaunin verða afhent síðasta vetrardag, 19. apríl. mbl.is/Eggert Jóhannesson

Fimmtán bækur eru tilnefndar til Barnabókaverðlauna Reykjavíkur í þremur flokkum. Tilkynnt var um tilnefndar bækur við hátíðlega athöfn í Gerðubergi í dag.

Tilnefnt var í flokkunum besta frumsamda bókin, best myndskreytta barnabókin og besta þýðing á barnabók. Fimm bækur voru tilnefndar í hverjum flokki en allar voru þær gefnar út á árinu 2016

Markmið Barnabókaverðlauna Reykjavíkur er að vekja athygli á því sem vel er gert í bókaútgáfu fyrir yngstu lesendurna en verðlaunin eiga sér lengsta sögu barnabókaverðlauna á landinu.

Verðlaunin verða afhent í Höfða miðvikudaginn 19. apríl, síðasta vetrardag.

Tilnefningar

Besta myndskreytta barnabókin á árinu 2016:

Hafsteinn Hafsteinsson fyrir Enginn sá hundinn – útg. Mál og menning

Linda Ólafsdóttir fyrir Íslandsbók barnanna – útg. Iðunn

María Sif Daníelsdóttir fyrir Vísnagull – útg. Tónagull

Lína Rut Wilberg fyrir Þegar næsta sól kemur – útg.  NB forlag

Halla Sólveig Þorgeirsdóttir fyrir Ævintýrið af Sölva og Oddi konungi – útg. Töfrahurð

Besta þýðing á barna- og unglingabók á árinu 2016:

Harpa Magnadóttir fyrir þýðingu sína á bókinni 172 tímar á tunglinu eftir norska rithöfundinn Johan Harstad – útg. Björt.

Ingibjörg Hjartardóttir fyrir þýðingu sína á bókinni Annað land eftir sænska rithöfundinn Håkan Lindquist – útg. Salka

Lemme Linda Saukas Ólafsdóttir fyrir þýðingu sína á Einhver Ekkineinsdóttir eftir eistnesku skáldkonuna Kåtlin Kaldmaa – útg. Bókstafur

Halla Sverrisdóttir fyrir þýðingu sína á bókinni Innan múranna eftir bandarísku skáldkonuna Nova Ren Suma – útg. Björt.

Guðni Kolbeinsson fyrir þýðingu sína á Norn eftir dansk/sænska tvíeykið Kim Fupz Aakeson og Rasmus Bregnhöi – útg. Mál og menning

Besta frumsamda barna- og unglingabókin á árinu 2016:

Hildur Knútsdóttir og Þórdís Gísladóttir fyrir Dodda – bók sannleikans – útg. Bókabeitan

Margrét Tryggvadóttir fyrir Íslandsbók barnanna – útg. Iðunn

Þórey Mjallhvít H. Ómarsdóttir fyrir Ormhildarsögu – útg. Salka

Ragnheiður Eyjólfsdóttir fyrir Skuggasögu II: Undirheima – útg. Mál og menning

Hildur Knútsdóttir fyrir Vetrarhörkur – útg. JPV

Tilkynnt var um tilnefndar bækur við hátíðlega athöfn í Gerðubergi …
Tilkynnt var um tilnefndar bækur við hátíðlega athöfn í Gerðubergi þar sem nú stendur yfir sýningin Þetta vilja börnin sjá, myndskreytingar úr íslenskum barnabókum sem komu út á árinu 2016. mbl.is/Eggert Jóhannesson
mbl.is
Fleira áhugavert
Fleira áhugavert