Krafa héraðssaksóknara um áframhaldandi gæsluvarðhald yfir manninum sem grunaður er um að hafa banað Birnu Brjánsdóttur verður tekin fyrir í héraðsdómi klukkan 15 í dag. Maðurinn hefur setið í gæsluvarðhaldi í 10 vikur, en saksóknari hefur samkvæmt lögum heimild til að halda mönnum í varðhaldi í 12 vikur áður en ákæra er gefin út.

Þegar mbl.is óskaði eftir upplýsingum frá embættinu um hvort gefin yrði út ákæra í dag var ekkert hægt að staðfesta um slíkt, en ljóst er að með því að fara fyrir héraðsdóm áður en gæsluvarðhaldinu er lokið má búast við einhverri ákvörðun frá saksóknara og dómstólum um áframhaldið í dag.

Þá er heldur ekki ljóst hver réttarstaða hinna grunuðu í málinu verður í framhaldinu, en öðrum þeirra sem hefur réttarstöðu grunaðs manns var sleppt og fór hann heim til Grænlands.

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt