Skyr frá MS er nú selt í um 400 verslunum í Englandi og á Írlandi, það er að segja verslunum Waitrose og Costco. Það er sami fjöldi verslana og í byrjun síðasta árs.
Salan hefur hins vegar meira en tvöfaldast frá fyrstu þremur mánuðunum í fyrra til sama tíma í ár. Þessi söluþróun er umfram áætlanir fyrirtækisins.
Sama er að segja um Svisslandsmarkað. Þar varð 80% aukning á sama tímabili og er skyrið komið inn í 700 verslanir þar, að því er fram kemur í umfjöllun um útrás skyrsins í Morgunblaðinu í dag.