Með skýrum merkingum hefur að undanförnu dregið verulega úr því að ferðamenn hendi smámynt í hveri á Geysissvæðinu.
Að þessu var talsverður ami svo grípa þurfti til ráðstafana sem virðast duga. Breskur sjálfboðaliði sem var við störf á svæðinu í fyrra veiddi þá um 10 þúsund krónur upp úr hvernum.
„Þetta var hálfgerð plága á tímabili og mest af peningum var sett í Blesa, sem er hver hér ofarlega á Geysissvæðinu, segir Lárus Kjartansson, sérfræðingur hjá Umhverfisstofnun í umfjöllun um mál þetta í Morgunblaðinu í dag.