Sektin 5 þúsund á dekk

Lögreglan á Suðurlandi ræddi við fjölmarga ökumenn í umdæminu í gær og minnti þá á að setja sumardekkin undir. Sektin fyrir hvert nagladekk að sumarlagi er 5 þúsund krónur. Að sögn varðstjóra er töluvert um að menn séu með nagladekk undir bílum sínum sem er algjör óþarfi og meira en mánuður síðan skipta átti yfir í sumardekk.

Tveir voru teknir fyrir hraðakstur í nótt. Annar ók á 119 km hraða á Hellisheiði en hinn var stöðvaður á 132 km hraða í Flóanum.

• Blogga um frétt