„Allir staðir á Íslandi einstakir“
Setja bókamerki
Peter Coljin hjólaði hringinn í kringum Ísland einn síns liðs á undir þremur sólarhringum og vann þar með einstaklingskeppni WOW Cyclothon.
Peter er upprunalega frá Kanada en býr í Kaliforníuríki í Bandaríkjunum. Ákvað hann að taka þátt í keppninni eftir að vinur hans benti honum á hana fyrir tveimur árum. Þetta er í fyrsta skipti sem hann tekur þátt í opinnberri keppni en hann hefur þó reynslu af hjólreiðum.
Ekkert sambærilegt aðstæðunum á Íslandi
„Ég hef hjólað álíka langar vegalendir áður en það er ekkert sem er sambærilegt aðstæðunum hér á Íslandi,“ segir Peter í viðtali við mbl.is og bætir við að ekkert geti búið mann undir vindinn og regnið hér á landi en hann hefur aðallega hjólað í Kaliforníu þar sem býr.
Fór hann hratt yfir en hann hafði lokið helmingi vegalengdarinnar á fyrstu 24 tímunum. Hann segist hafa hjólað að meðaltali fjóra til fimm tíma í senn og sofið samtals í 30-45 mínútur.
Aðspurður hvort eitthvað hafi komið honum á óvart á leiðinni segir hann náttúruna vera einstaka. „Ég sá marga fallega staði sem ég vissi ekki að væru hér á Íslandi.“ Nefnir hann til dæmis jöklana og Suðurland. „Allir staðir á Íslandi eru einstakir á sinn hátt. Það eru engar ár eða fossar í Kaliforníu!“
Færa slökkviliðið til nútímans
Sárt að horfa upp á illa meðferð fjármuna
Kveðst tala af virðingu: „Ég er enginn dóni“
Segjast hafa skotið niður langdræga sprengjuvél
29 nautgripir fundust dauðir
Innviðir þandir og álagið „gríðarlegt“
Aðkoman í gripahúsið mjög slæm