Fjögur umferðarslys urðu á Vesturlandi í gær. Að sögn lögreglu urðu þrjár bílveltur, ein í Búðardal, önnur við Baulu og sú þriðja í Stykkishólmi. Alvarlegt bifhjólaslys varð á Borgarfjarðarbraut við Ytri-Skeljabrekku.
Í Búðardalnum missti karlmaður á fimmtugsaldri stjórn á bílnum sínum með þeim afleiðingum að bifreiðin val og hafnaði á stórum steinum. Hann slasaðist og var fluttur með sjúkrabíl á slysadeild Landspítalans.
Fjórir voru sendir til skoðunar á Landspítala í kjölfarið af veltunni á Stykkishólmi. Að sögn lögreglu voru engir áverkar sýnilegir. Þá varð bílvelta á Vesturlandsvegi við Baulu um þegar ökumaður missti bíl sinn út í lausamöl og valt tvær veltur. Hvorki ökumaður né farþegi slösuðust alvarlega.
Á Borgarfjarðarbraut við Ytri-Skeljabrekku varð svo bifhjólaslys þar sem tveir slösuðust og voru þeir fluttir á Landspítala. Lögregla taldi líklegt að um beinbrot hafi verið að ræða. Einnig var minniháttar óhapp í Hvalfjarðagöngum en enginn slasaðist.