Röskun á ferðum Herjólfs til Landeyjahafnar á háannatíma veldur ferðaþjónustuaðilum í Vestmannaeyjum miklu tjóni.
Gísli Matthías Auðunsson, einn eigenda veitingastaðarins Slippsins í Vestmannaeyjum, og Kristín Jóhannsdóttir, safnstjóri Eldheima, segja ótryggar samgöngur rýra traust á ferðaþjónustuaðilum.
Tekjutap sem Slippurinn varð fyrir vegna ótryggra ferða Herjólfs nýverið er að mati Gísla Matthíasar tvær og hálf milljón króna. Ferðaþjónustan hafi tapað á slipptöku skipsins í maí. Hann telur fólk orðið langþreytt á ótryggum samgöngum en bjartsýni verði að ríkja.