Búið að opna Ölfusárbrú að nýju

Ölfusárbrú hefur verið opnuð fyrir umferð að nýju. Brúin var lokuð vegna malbikunarframkvæmda og var umferð á meðan beint um Eyrarbakkaveg og Þrengslaveg.

Vegna óviðráðanlegra aðstæðna höfðu framkvæmdir við malbikun á hringtorgi við brúna tafist en upphaflega var gert ráð fyrir að framkvæmdum yrði lokið klukkan sex í morgun.

Frétt af mbl.is

Ölfusárbrú lokuð fram eftir morgni

Stefnt að því að malbika aðra akreinina á Suðurlandsvegi frá hringtorgi við Toyota á Selfossi í áttina að Biskupstungnabraut vestan við Selfoss í dag. Akreininni verður lokað og verður umferð stýrt framhjá. Áætlað er að framkvæmdirnar standi yfir frá kl. 07:00 til kl. 12:00 að því er segir á vef Vegagerðarinnar.

Þá er stefnt að því að fræsa og malbika akreinar á Kringlumýrarbraut, frá gatnamótum við Háaleitisbraut í átt að Suðurlandsbraut í dag. Annarri akreininni verður lokað á meðan, umferðarhraði minnkaður framhjá vinnusvæðinu og má búast við lítilsháttar umferðartöfum. Áætlað er að framkvæmdirnar standi yfir milli kl. 19:30 til kl. 01:00.

Einnig er stefnt að því að fræsa og malbika akrein á Miklubraut, frá gatnamótum við Grensásveg að gatnamótum við Kringlumýrarbraut. Akreininni verður lokað á meðan, umferðarhraði minnkaður framhjá vinnusvæðinu og má búast við lítilsháttar umferðartöfum.  Áætlað er að framkvæmdirnar standi yfir milli kl. 01:00 til kl. 06:00.

Vegagerðin biður vegfarendur að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.

• Blogga um frétt