Sumarblíða í Reykjavíkurborg
Setja bókamerki
Það var sannkölluð veðurblíða í borginni í gær. Íbúar höfuðborgarsvæðisins nýttu sólargeislana vel í útivist, listir og rólegheit. Um hádegisbil mátti glitta í þokuslæðing en borgarbúar létu það lítið á sig fá. Undanfarna daga hafa júlíhitametin fallið hvert af öðru og þá var hitamet sumarsins, 27,7 gráður, slegið fyrr í vikunni.
Undanfarið hafa verið mikil hlýindi á landinu og var hitamet sumarsins slegið á þriðjudaginn þegar 27,7 gráður mældust á Végeirsstöðum í Fnjóskadal. Hiti hefur ekki mælst jafnhár frá því árið 2012. Hitabylgja hefur sömuleiðis gengið yfir landið á Norður- og Austurlandi undanfarið og hafa júlíhitamet fallið á nokkrum sjálfvirkum stöðvum sem sem hafa mælt hita í 17 ár eða meira.
Svo virðist sem veðrið muni halda áfram að leika við borgarbúa í dag en spáð er 19 stiga hita og heiðskíru. Samkvæmt vef Veðurstofu Íslands verður þokuloft yfir fram eftir morgninum en bjart með köflum síðdegis og á morgun. Hiti getur náð upp í 22 stig.
Á næstu dögum verður heldur svalara í Reykjavíkurborg. Þá verður norðaustlæg átt ríkjandi um allt land næstu daga, nokkuð ákveðin fram á mánudag, síðan hægari. Samkvæmt spá Veðurstofunnar verður rigning með köflum norðan- og austanlands en bjartviðri að mestu sunnan- og vestanlands. Spáð er að skýjað verði með köflum og stöku skúrir á þriðjudag og miðvikudag. Hiti verði víða 12 til 18 stig en svalara norðan- og austantil.
„Þögnin er ærandi“
Kvikan virðist nú skiptast til helminga
Segir óábyrgt að skipta út öllu bankaráðinu
Ofsóttur innan veggja Boeing
Aukin tíðni þungunarrofa hjá yngsta aldurshópnum
Markaðurinn hitnar og leiguverð hækkar hratt
Stóraukið fé til samgöngusáttmála
Mikil skjálftavirkni á landinu áhyggjuefni