Eldur kom upp í vélarrúmi Bjargeyjar ÍS 41 er verið var að landa úr bátnum í Ísafjarðarhöfn skömmu fyrir sex í morgun. Greiðlega gekk að slökkva eldinn og varð skipsverjum ekki meint af.
Að sögn varðstjóra í lögreglunni á Ísafirði voru fjórir um borð í bátnum þegar eldurinn kom upp en báturinn var við bryggju. Slökktu þeir eldinn og gekk greiðlega að reykræsta. Bjargey er 14 brúttólestir að stærð.