Erlendu konurnar tvær sem lentu í árekstri við snjóruðningstæki við Ketilstaði á Þjóðvegi eitt á Suðurlandi á fimmtudag eru ekki lífshættulega slasaðar. Konurnar brotnuðu þó engu að síður báðar tvær illa samkvæmt upplýsingum frá lögreglunni á Suðurlandi.
Mikil hálka var á veginum og færðin erfið þegar slysið varð. RÚV segir frumrannsókn lögreglu benda til þess að fólksbíll kvennanna, hafi farið yfir á öfugan vegarhelming. Lögreglan hefur ekki viljað staðfesta við mbl.is hvort svo hafi verið.
Ekki hefur enn verið hægt að taka skýrslu af konunum og er rannsókn lögreglu því ekki lokið.