Neyðarrýmingaráætlun vegna Öræfajökulssvæðisins, sem hægt verður að grípa til ef á þarf að halda, er tilbúin en eftir er að kynna það fyrir viðbragðsaðilum. Þetta staðfestir Rögnvaldur Ólafsson, verkefnastjóri hjá almannavörnum, í samtali við mbl.is.

Rögnvaldur segir áætlunina liggja fyrir og hægt sé þannig að beita henni ef aðstæður breytast með þeim hætti að talin verði þörf á að gera það. Raunar hefði að hans sögn verið hægt að beita henni í gær ef út í það hefði farið og þurft að grípa til rýmingar.

Eins og mbl.is hefur fjallað um hefur verið unnið að áætluninni undanfarna daga og meðal annars hoft til annarra áætlana sem gerðar hafa verið í tengslum við náttúruhamfarir sem átt hafa sér stað og reynslu í tengslum við gerð og beitingu þeirra.

Tengdar fréttir

Öræfajökull

„Það yrði lítill tími til þess að bregðast við“

• Búa sig undir eldgos
• Skjálfti upp á 3,2 stig
• „Þetta er alveg gríðarlega stórt“
• Greinilegar breytingar í jöklinum

» Fleiri tengdar fréttir

• 1 blogg um fréttina

Bloggað um fréttina

• Guðmundur Jónsson: Hvenær á að rýma.