Ríkiskaup hafa auglýst eftir tilboðum í nýjan léttabát fyrir varðskipið Tý. Óskað er eftir bát sem er 7,5-8,5 metrar að lengd, gengur allt að 32 hnúta og tekur 20 farþega þegar mest er.
Eru bátar þessir notaðir til meðal annars ýmissa þjónustuverkefna Landhelgisgæslunnar og þegar fara þarf í verkefni á hafi úti frá varðskipum.
Léttabáturinn sem á að skipta út er af gerðinni Springer og var keyptur í kringum 2000 þegar bátar varðskipanna Týs, Ægis og Óðins voru endurnýjaðir.