Mikið vatn rennur yfir þjóðveg 1 á Breiðamerkursandi austan megin við Fjallsárlón. Vegfarendur eru beðnir um að sýna aðgát við akstur á þessu svæði.
Þetta kemur fram í tilkynningu frá Vegagerðinni.
Það er greiðfært mjög víða á Suðvesturlandi en á Suðurlandi er víðast hvar hálka eða hálkublettir og flughálka á nokkrum köflum.
Á Vesturlandi er víða greiðfært á láglendi og hálkublettir á fjallvegum.
Það er hálka eða hálkublettir á Vestfjörðum og flughálka á Bjarnarfjarðarhálsi. Ófært er yfir Hrafnseyrar- og Dynjandisheiði.
Á Norðurlandi vestra er þjóðvegur 1 greiðfærar en hálka er á flestum útvegum og hálkublettir á Siglufjarðarvegi. Hálka eða hálkublettir eru á Norðausturlandi.
Hálka er á vegum á Austurlandi. Þæfingsfærð er á Öxi og hálka með suðausturströndinni.