Stóðu í ströngu á Landspítalanum

Töluvert aukaálag myndaðist á Landspítalanum í gær í kjölfar þess að Heilbrigðiseftirlit Reykjavíkur lýsti því yfir að jarðvegsgerla væri að finna í neysluvatni í Reykjavík.

Starfsfólk Landspítalans stóð í ströngu í fyrrinótt og gærdag við það að sjóða vatn fyrir sjúklinga.

„Við þurftum að sjóða mjög mikið af vatni og kæla það til að hafa það tilbúið fyrir sjúklingana,“ segir Bylgja Kjærnested, deildarstjóri hjartadeildar Landspítalans, í umfjöllun um mál þetta í Morgunblaðinu í dag.