Millilandaflug verði tryggt í sessi
Setja bókamerki
Bæjarráð Akureyrar hefur skorað á þingmenn, ríkisstjórn, samgönguráð og Isavia að grípa nú þegar til nauðsynlegra ráðstafana til að styðja við og tryggja í sessi millilandaflug um Akureyrarflugvöll.
Sveitarstjórn Eyjafjarðarsveitar hefur einnig tekið undir bókun Ferðamálafélags Eyjafjarðar um að tryggja þurfi öruggt aðflug að Akureyrarflugvelli.
Bæjarráð Akureyrar segir brýnt að komið verði upp ILS-aðflugsbúnaði við völlinn, að því er kemur fram í fundargerð.
Njáll Trausti Friðbertsson alþingismaður, sem starfaði sem flugumferðarstjóri á Akureyri í aldarfjórðung, sagði í samtali við Morgunblaðið í gær að sinn skilningur væri að fjárveiting til kaupa á búnaðinum væri tryggð í fjárlögum sem samþykkt voru fyrir áramót.
Tilkomu millilandaflugs um Akureyrarflugvöll var einnig fagnað á fundi bæjarráðs í tengslum við ferðir ferðaskrifstofunnar Super Break sem hófust í síðustu viku.
Bæjarráðið kallar jafnframt eftir því að forsvarsmenn Isavia og formaður samgönguráðs fundi með bæjarstjórn vegna frekari framkvæmda við flugvöllinn.
Kveðst tala af virðingu: „Ég er enginn dóni“
Þrjú og hálft ár fyrir skotárás í Úlfarsárdal
„Menn eru bara búnir að forgangsraða“
Innviðir þandir og álagið „gríðarlegt“
Ísraelar hefna árásarinnar
„Það er skiljanlegt að þolinmæði þeirra sé lítil“
Hafa samþykkt kaup fyrir um 9,2 milljarða
Færa slökkviliðið til nútímans