Kastaðist út úr bílnum

Þyrla Landhelgisgæslunar var kölluð á vettvang.
Þyrla Landhelgisgæslunar var kölluð á vettvang. mbl.is/Árni Sæberg

Þyrla Landhelgisgæslunnar var kölluð út fyrr í kvöld eftir að bíll valt út af veginum um Lyngdalsheiði. Einn farþeganna kastaðist úr bílnum og var hann fluttur með þyrlunni á bráðamóttökuna í Fossvogi. Maðurinn er þó ekki talinn í lífshættu.

Lögreglan á Suðurlandi hefur haft í nógu að snúast í dag og nokkuð verið um umferðaróhöpp. Flest þeirra eru, að sögn lögreglu, minniháttar og eingöngu um eignartjón að ræða. Í tilkynningu frá lögreglu segir að flest slysanna megi rekja til þess að akstur sé ekki miðaður við aðstæður, en þá spili reynsluleysi ökumanna stundum inn í.

mbl.is
Fleira áhugavert
Fleira áhugavert