Segir grein Frosta rökleysu
Setja bókamerki
Bryndís Haraldsdóttir, þingmaður Sjálfstæðisflokksins og bæjarfulltrúi í Mosfellsbæ, segir að borgarlína sé vitrænn háttur til að efla almenningssamgöngur á höfuðborgarsvæðinu. Hún gagnrýndi grein Frosta Sigurjónssonar, fyrrverandi þingmanns Framsóknarflokksins, um borgarlínu.
„Ég er sannfærð um það að þegar málefni borgarlínu eru rædd af vitrænum hætti og farið er yfir í rökin fyrir því af hverju við þurfum að efla almenningssamgöngur, og borgarlína er ákveðið tæki til þess, þá eru flestir sammála um það,“ sagði Bryndís í Silfrinu á RÚV í morgun.
Bryndís hefur komið að skipulagsmálum hjá Samtökum sveitarfélaga á höfuðborgarsvæðinu. Hún sagði að síðustu vikurnar hefðu margir komið fram og skrifað greinar um borgarlínu:
„Fyrrverandi þingmaður Framsóknarflokksins fór stóran í einni grein sinni en ég las hana vel og vandlega yfir og fyrirgefðu, það er bara rökleysa sem kemur þar fram,“ segir Bryndís en Frosti Sigurjónsson sagði að borgarlína myndi kosta hvert heimili á höfuðborgarsvæðinu 1-2 milljónir króna. Auk þess myndi hún ekki spara fólki tíma heldur sólunda tíma allra íbúa á svæðinu, hvort sem þeir nota hana eða ekki.
„Ég spái því að ef einhver ætlar að fara inn í kosningabaráttu með þetta sem stóra málið til að vera á móti þá hef ég ekki trú á að viðkomandi flokkur myndi ná miklu út á það,“ sagði Bryndís en allir frambjóðendur nema einn í leiðtogaprófkjöri Sjálfstæðisflokksins í Reykjavík hafa lýst yfir andstöðu eða efasemdum við uppbyggingu hennar en sveitarstjórnarkosningar fara fram í vor.
Hernaðaraðstoð samþykkt – Vopnasendingar í vikunni
Vélsleðaslys: Þyrlan kölluð út á mesta forgangi
Skiptir miklu meira máli en fólk grunar
„Á réttri leið en nokkuð í land ennþá“
„Skýr skilaboð til Seðlabankans“
Æskuvinur Íslendings myrtur í Noregi
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“