Grunur er um að yfirborðsvatn hafi komist í vatnsból

AFP

Grunur er um að yfirborðsvatn hafi komist í vatnsból hjá Vatnsveitu Rangárþings ytra og Ásahrepps - Helluveitu. Ekki er talið að mengunin valdi heilsutjóni hjá heilbrigðum einstaklingum, en til að tryggja heilnæmi vatnsins er mælt með að sjóða drykkjarvatn.

Þetta kemur fram á vef sveitarfélagsins.

Þar segir ennfremur, að þegar hafi verið gripið til aðgerða til að komast að ástæðum vandans í því skyni að koma í veg fyrir að þetta ástand endurtaki sig.

„Heilbrigðiseftirlit Suðurlands mun taka sýni af  neysluvatni vatnsveitunnar í dag og verða notendur upplýstir um niðurstöður um leið og þær berast.

Samkvæmt neysluvatnsreglugerð nr. 536/2001 ber að tilkynna slíkt til notenda og jafnframt meta líkur hvort heilsu manna stafi hætta af. Ekki er talið að mengunin valdi heilsutjóni hjá heilbrigðum einstaklingum, en til að tryggja heilnæmi vatnsins er mælt með að sjóða drykkjarvatn. 

Fyrri sýnatökur á vegum Heilbrigðiseftirlits Suðurlands hafa ávallt sýnt fram á mjög góð gæði neysluvatns vatnsveitunnar, og munu starfsmenn  vatnsveitunnar, í samvinnu við Heilbrigðiseftirlit Suðurlands, vinna að endurheimtingu neysluvatnsgæða og sjá til þess að notendur verði upplýstir um gæði vatnsins jafnóðum,“ segir í tilkynningu á vef Rángárþings Ytra.

mbl.is
Fleira áhugavert
Fleira áhugavert