Slökkviliðið á höfuðborgarsvæðinu hefur farið í fjögur útköll það sem af er morgni vegna vatnsveðursins í nótt, þar á meðal í kjallara tveggja raðhúsa í Frostaskjóli í Vesturbæ Reykjavíkur.

Í fyrra útkallinu í Frostaskjólið var slökkviliðið að störfum í á þriðju klukkustund eftir að hafa verið kallað á staðinn um klukkan sex í morgun. Að því loknu fór slökkviliðið yfir í hitt raðhúsið.

Að sögn slökkviliðsins er talið að brunndæla hafi ekki haft undan í vatnsveðrinu í nótt í öðru raðhúsanna en í hinu var brunndælan biluð.