„Mér er fullkunnugt um hve staðan er slæm víða,“ segir Sigurður Ingi Jóhannsson samgönguráðherra.
Mikið hefur verið fjallað um slæmt ástand vega að undanförnu og í umfjöllun um þetta mál í Morgunblaðinu í dag segir ráðherra mikilvægt að tekið sé heildsætt á málum en ekki með skyndiaðgerðum.
Nú sé unnið að samgönguáætlun sem eigi að ríma við ríkisfjármálaáætlun. Samkvæmt gögnum sem liggi fyrir þurfi minnst 160-170 milljarða króna í nauðsynlegar framkvæmdir og jafnvel meira.