Karlmaður var úrskurðaður í fjögurra vikna áframhaldandi gæsluvarðhald í Héraðsdómi Reykjaness í dag, eða til 17. apríl, á grundvelli síbrota að kröfu lögreglunnar á höfuðborgarsvæðinu.
Þetta kemur fram í tilkynningu frá lögreglunni.
Maðurinn var handtekinn í lok febrúar í þágu rannsóknar lögreglu á innbrotum í umdæminu.
Annar maður, sem var handtekinn af sama tilefni og gert að sæta vistun í úrræði á vegum barnaverndaryfirvalda, er laus úr haldi lögreglu.