Árni Bragason landgræðslustjóri segir það rétt sem komið hefur fram að samstarfið mætti vera betra innan loftslagshreyfingarinnar. Hart sé tekist á um takmarkaða fjármuni.
„Ákveðinn hópur fólks hefur gert lítið úr verkefnum annarra. Afstaða Landgræðslunnar hefur verið sú að okkur veiti ekkert af að vinna á mörgum vígstöðvum. Ég tek ekki þátt í að níða niður verk annarra. Það er ekki minn stíll,“ segir Árni.
Í umfjöllun um deilunnar í Morgunblaðinu í dag segir Reynir Kristinsson, stjórnarformaður Kolviðar, umhverfisráðuneytið hafa afþakkað að láta kolefnisjafna ríkisstofnanir. Það kosti aðeins 15-20 milljónir. „Ríkið leggur hart að fyrirtækjum að kolefnisjafna sig en gerir það ekki sjálft,“ segir Reynir.