Hjólastígar samræmdir

Unnið er að samræmingu á hönnun hjólastíga í öllum sveitarfélögunum á höfuðborgarsvæðinu og endurbótum á stígakerfinu. Einnig á vetrarþjónusta að vera sú sama hvar sem hjólað er. Þá er áhugi á að draga úr hraða og bæta hjólamenninguna.

Þörf er á samræmingu hjólastíga og þjónustu á þeim með vaxandi umferð reiðhjóla, segir Páll Guðjónsson, framkvæmdastjóra Samtaka sveitarfélaga á höfuðborgarsvæðinu (SSH), í umfjöllun um mál þetta í Morgunblaðinu í dag.

Til viðbótar við aukna umferð hefðbundinna reiðhjóla er búist við mikilli aukningu með fjölgun rafmagnsreiðhjóla á næstu árum. Starfshópur sem SSH og Vegagerðin settu á fót hefur nú skilað tillögum að úrbótum. Liður í aðgerðunum er að bæta hjólreiðamenninguna.