Eldsupptök í rafmagnstenglum

Miðhraun.
Miðhraun. mbl.is/RAX

Eldsupptök eldsvoðans í Miðhrauni í Garðabæ voru í rafmagnstenglum neðan við rafmagnstöflu á brunavegg í miðrými húsnæðis Icewear.

Þetta kemur fram í bráðbirgðaniðurstöðu rannsóknar lögreglunnar á höfuðborgarsvæðinu á eldsupptökum í iðnaðarhúsnæðinu.

Þetta kemur fram í tilkynningu frá lögreglunni á höfuðborgarsvæðinu.

Að sögn Skúla Jónssonar aðstoðaryfirlögregluþjóns eiga aðrar stofnanir eftir að koma með niðurstöður úr sínum rannsóknum og á hann þar við Mannvirkjastofnun og slökkviliðið á höfuðborgarsvæðinu. Hann kveðst ekki vita hvenær endanleg niðurstaða úr rannsókninni verður tilbúin. 

Spurður út í framhald rannsóknarinnar hjá lögreglunni, til dæmis varðandi mögulega ábyrgð á eldsvoðanum, segir hann að næsta skref verði að setjast niður með tæknideildinni vegna þess.

mbl.is/Ásdís
mbl.is
Fleira áhugavert
Fleira áhugavert