Norðaustankaldi og súld

Norðaustankaldi norðvestan til á landinu í dag en annars hægari vindur. Súld eða dálítil rigning fyrir norðan og austan, en skúrir sunnanlands síðdegis. Hiti 3 til 12 stig, hlýjast á Suðausturlandi, samkvæmt upplýsingum af vef Veðurstofu Íslands.

Spáð er ákveðinni austan- og norðaustanátt á morgun. Rigning, einkum suðaustanlands, en þurrt á Norðvestur- og Vesturlandi. Norðlægari vindur á sunnudag, með rigningu eða slyddu norðaustan- og austanlands, og kólnar heldur.

Veðurspá fyrir næstu daga

NA 5-10 NV-til, annars hægari. Súld eða dálítil rigning fyrir norðan, en sums staðar skúrir syðra, einkum síðdegis. Hiti 3 til 12 stig, mildast SA-lands. 

Heldur vaxandi austan- og norðaustanátt á morgun, 8-15 m/s síðdegis. Fer að rigna á S- og A-landi, en úrkomulítið í öðrum landshlutum.

Á laugardag:

Hægt vaxandi austan- og norðaustanátt, víða 8-13 m/s síðdegis og rigning á S- og A-landi. Hiti 2 til 10 stig, mildast SV-lands. 

Á sunnudag:
Norðaustan 5-13, skýjað og rigning eða slydda á A-verðu landinu fram eftir degi. Hiti 0 til 5 stig, en 5 til 10 á S- og SV-landi. 

Á mánudag:
Norðlæg eða breytileg átt og skýjað en úrkomulítið. Hiti breytist lítið. 

Á þriðjudag og miðvikudag:
Austlæg átt, skýjað og dálítil væta á S- og V-landi. Hiti 0 til 9 stig að deginum, mildast SV-til. 

Á fimmtudag:
Sunnanátt og lítils háttar rigning eða slydda með köflum.