Sérsmíðaðir skór stuðningsmanna

Nú er hægt að fara til Rússlands, á heimsmeistarakeppni karla í fótbolta, með sérsmíðað handverk á fótunum, en Þráinn skóari á Grettisgötu hefur hannað HM-skó sem hann hyggst klæðast á fyrsta leik Íslands í Moskvu.

„Við erum búin að smíða skó í mjög langan tíma og höfum verið að gera alls kyns og ætlum bara að taka þátt í HM-gleðinni. Við smíðuðum prufumódelið og ég ætla að fara í þessum skóm á HM,“ segir Þráinn í umfjöllun um mál þetta í Morgunblaðinu í dag.

„Mér finnst þetta svolítið skemmtilegt að geta tekið þetta alla leið,“ bætir hann við og hlær.