Karlmaður hefur verið ákærður fyrir að hafa tekið 27 ljósmyndir af konu sem sýna hana fáklædda eða nakta og sjö hreyfimyndir sem sýna þau stunda kynlíf.
Héraðssaksóknari gaf út ákæru á hendur manninum 5. apríl og var hún þingfest í Héraðsdómi Reykjavíkur í gær. Vísað er í ákæruna í frétt RÚV þar sem segir að nektar- og kynlífsmyndirnar hafi verið teknar á tveggja ára tímabili, frá febrúar 2014 til september 2016. Maðurinn er einnig ákærður fyrir að hafa ruðst í heimildarleysi inn á heimili konunnar í september 2016.
Í ákærunni segir einnig að maðurinn hafi sært blygðunarsemi konunnar með brotum sínum. Hún krefur hann um 1,2 milljónir króna í bætur fyrir brotið.