Um fjörutíu núverandi og fyrrverandi nemendur Grunnskólans í Vestmannaeyjum gengu upp á Heimaklett í gærkvöldi og tendruðu ljós til minningar um Sigurlás Þorleifsson, skólastjóra skólans, sem varð bráðkvaddur í göngu á Heimakletti síðastliðið þriðjudagskvöld.
Myndaður var stór kross úr kertum sem sást vel niður til bæjarins.
Sigurlás var fæddur í Vestmannaeyjum 15. júní 1957. Auk þess að starfa sem kennari og skólastjóri spilaði hann knattspyrnu um árabil með ÍBV við góðan orðstír.