Aftanákeyrsla á gulu ljósi

Um aftanákeyrslu var að ræða þegar hópbifreið og kennslubifreið rákust saman á Hringbraut til móts við BSÍ í morgun.

Frétt af mbl.is

Hópbifreið og kennslubifreið rákust saman

Engin slys urðu á fólki.

Slysið varð með þeim hætti að ökumaður kennslubifreiðarinnar stöðvaði á gulu ljósi og keyrði rútan þá aftan á hana.

Kennslubifreiðin var ökuhæf eftir óhappið en afturrúðan brotnaði sem og vinstra afturljósið, að sögn starfsmanns Áreksturs.is sem afgreiddi málið.

Framrúða rútunnar brotnaði við áreksturinn og hurð beyglaðist. Ferðamenn úr rútunni voru færðir yfir í aðra bifreið.

• Blogga um frétt