Athugull vegfarandi á Akureyri benti lögreglu á selkóp, sem virtist í vanda staddur í fjörunni við Drottningarbraut í morgun. Lögreglumenn fóru á staðinn og leystu kópinn úr prísundinni, en hann var skorðaður á milli tveggja steina.

Þetta kemur fram á Facebook-síðu lögreglunnar á Norðurlandi eystra, sem birti myndband af björgun selkópsins. Myndbandið má sjá hér að neðan.

Að sögn þess sem ritar færslu lögreglunnar virtist ekkert ama að kópnum er honum var sleppt að nýju út í Pollinn, heldur hafi hann synt sperrtur af stað.

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt