Landsréttur staðfesti í dag úrskurð Héraðsdóms Reykjavíkur frá því 9. maí síðastliðinn um að fallast á kröfu tónlistarhússins Hörpu að tónleikahaldarinn Kári Sturluson og fyrirtæki hans KS Productions slf. verði úrskurðuð gjaldþrota í tengslum við mál vegna tónleika Sigurrósar í Hörpu í vetur. Þá er Kára gert að greiða Hörpu 248 þúsund krónur í kærumálskostnað.
Sigur Rós og Harpa riftu samningum við félagið við félagið KS Productions sem er í eigu Kára Sturlusonar um tónleikahald hljómsveitarinnar í Hörpu seint á síðasta ári. Farið var fram á kyrrsetningu á eignum Kára og honum stefnt til greiðslu á 35 miljónum króna.
Greint var frá því í september á síðasta ári að tónleikahaldari sem hefði unnið náið með Sigur Rós um árabil hefði fengið 35 milljóna króna fyrirframgreiðslu af miðasölu tónleikanna hjá Hörpu.
Eftir það riftu Sigur Rós og Harpa samningum við KS Productions.