Hefði vel getað sprungið

Fallbyssukúlan sem fannst í Mosfellsbæ laust eftir hádegi í gær kom á land í gegnum sanddæluskip og þykir ótrúlegt að hún hafi ekki sprungið einhvers staðar á leiðinni úr sjó og þangað sem hún endaði.

Frétt af mbl.is

Rörbúturinn reyndist sprengja

Ásgeir Guðjónsson, sprengjusérfræðingur á séraðgerðasviði Landhelgisgæslunnar, segir í samtali við Morgunblaðið í dag að afar sjaldgæft sé að sprengjur sem þessar finnist í byggð og að gæta hafi þurft ýtrustu varkárni við meðhöndlun hennar og eyðingu. Sprengjuleitarvélmenni Landhelgisgæslunnar lék stórt hlutverk á vettvangi, en kveikibúnaður sprengjunnar var að sögn Gæslunnar mjög illa farinn.

Ekki er vitað hvar sprengjan kom upp í sanddæluskipið og er rannsókn málsins ekki lokið. 

Frétt af mbl.is

Vélmenni Gæslunnar í svaðilför