Innkalla hnetur vegna sveppaeiturs yfir mörkum

Aðföng hafa, í samráði við Heilbrigðiseftirlit Reykjavíkur, ákveðið að innkalla af markaði tiltekna lotu af Delicata Brasilíuhnetum í 100 gr. pokum vegna þess að í reglubundnu eftirliti greindist sveppaeitrið aflatoxín B1 í hnetunum yfir mörkum. 

Þetta kemur fram í tilkynningu frá Heilbrigðiseftirliti Reykjavíkur.

Eftirfarandi upplýsingar auðkenna vöruna sem innköllunin einskorðast við:

Vörumerki: Delicata.

Vöruheiti: Brasilíuhnetur.

Strikanúmer: 5690350050647.

Nettómagn: 100 g.

Best fyrir: 30.04.2019

Framleiðandi: System Frugt A/S, Danmörku.

Innflytjandi: Aðföng, Skútuvogi 7, 104 Reykjavík.

Dreifing: Verslanir Bónus og Hagkaupa um land allt.

Upplýsingar um sveppaeitrið aflatoxín er að finna á vefsíðu Matvælastofnunar, http://www.mast.is/matvaeli/adskotaefni/sveppaeitur/. 

Viðskiptavinum Bónus og Hagkaupa sem keypt hafa vöruna er bent á að þeir geta skilað henni í verslunina þar sem hún var keypt gegn fullri endurgreiðslu.

Nánari upplýsingar veitir gæðastjóri Aðfanga í síma 530 5600 eða í gegnum netfangið gaedastjori@adfong.is.  

• Blogga um frétt